Volley-Ball : U GFCA è Fred Ferrandez unurati !

0

Secondu di a fasa regulare cum’è in u 2014, u GFCA hè statu monda unuratu à l’occasione di u bilanciu postu à postu, publicatu da u cutidianu « L’Equipe » dopu à una ghjuria cumposta di ghjurnalisti è addestradori di Lega Una. Fred Ferrandez hè statu elettu addestradore di a stagione. Tim Carle, attaccante numaru dui (revelazione), Pujol numaru quattru à a passa cum’è Pepic in tantu chè compiipunti. In fine, Jef Exiga hè statu ele26587690-27268674ttu libaru numaru trè. S’aspettanu, avà, i play-offs…

U GFCA hà fattu, tuttu u mondu a sà, una seconda parte di campiunatu strasordinaria. Stà, oghje, nantu à una seria di dece vittorie di fila, una seria chì hà permessu à a squadra di u Presidente Exiga d’esse rimarcata à l’occasione di u bilnaciu di fine di stagione regulare. Secondu di a classificà, u Gazelec hà pussutu cuntà, prima di tuttu, nantu à una grande forza cullettiva induve individualità si sò fatte rimarcà. Cusì, u bilanciu prisentatu da una ghjuria cumposta di ghjurnalisti è addestradori, hà fattu valè u talente individuale d’unepochi d’elementi. Prima di tuttu, Fred Ferrandez, addestradore numaru unu à l’origine, forse, d’issa forza cullettiva, sapendu d’altronde, tirà u megliu di i so ghjucadori cù dinò scambiamenti decisi masimu in fine di campiunatu. Daretu à elli, truvemu à Tim Carle, revelazione di a stagione, elemente maiò di i Rossi è Turchini in fine di campiunatu, elettu attaccante numaru dui daretu à Wounembaina (Tours). Dopu ritruvemu à Jef Exiga, mutore di a recezzione aiaccina, libaru numaru trè daretu à Henno (Tours) è Bann (Chaumon), niente chè què! In fine, Pujol, numaru quattru à a passa è Pepic in tantu chè compiipunti anu fattu valè e capacità di i dirigenti à piglià, d’aprile scorsu, ghjucadori maiò senza sbaglià si à issi posti impurtanti…In tuttu, t’avemu à cinque elementi unurati è ci ne saria statu forse unu di più s’è Brett Dailey ùn era statu feritu durante dui mesi. Una bona per a squadra. Ma s’aspetta, avà, di più à l’occasione di i Play-offs chì principianu stu vennari di fronte à Poitiers

Partager.

Réagir en direct