L2 : U GFCA pò sempre sperà?

0

34381909-31424724Mentre ch’ellu hè passatu davanti à a DNCG per prisentà u so bugettu per l’annu chì vene…in Naziunale, u GFCA lampa sempre un ochju nantu e à situazione finanzarie di Sochaux è Nancy, tutti i dui cundannati in Naziunale per via d’una mancanza maiò à u nivellu di i soldi. S’è i dirigenti di u Gaz s’approntanu à ghjucà in Naziunale, i sustenidori, elli, volenu crede à u mantenimentu…

U GFCA in Naziunale una, saria, à u nivellu spurtivu una logica dopu à una scunfitta contru à Le Mans u 2 di ghjugnu scorsu. Di regula, u Gaz deve appruntà si à ghjucà di fronte à Laval o Bastia Borgu…Di regula! Di fattu, i dirigenti rossi è turchini anu prisentatu i so conti davanti à a DNCG sta settimana. U gendarmu finanzariu hà datu u so accunsentu cù, quantunque un inquadramentu di a massa salariale. Frà tempu, si sò spiccati di Hervé Dellamagiore mentre chè uni pochi di ghjucadori si n’andavanu (Armand à u PFC, Jobello in Coventry, terza divisione inglese…). A naziunale una s’appronteria dunque. ma, d’un altru cantu, e squadre di Lega duie sò elle dinò passate davanti à a DNCG. Sochaux, dighjà cundannatu di dicembre scorsu, hè statu cunfermatu in N1. Li stessa per Nancy. per a prima squadra si trattaria, secondu à a stampa di quallà, d’un tavonu di deci milioni, sette per Nancy. Sochaux aspetta sempre, per salvà si, a vendita di  Lucien Agoumé à l’Inter (si trattaria di 4 milioni ma l’affare ùn hè fatta). Per Nancy saria aucu peghju chè soldi, ùn ci n’hè. Per fà un accurtatoghju, si vede bè chè u GFCA hà una scianza maiò di stà in Lega dui. Per ciò chì tocca à i dirigenti, ùn ci saria nulla à sperà, masimu cù i tavoni di Lille o Lens, l’anni passati tramindui mantenuti. « Forse, anu truvà una soluzione. Ùn ci femu micca illusione… ». I sustenidori elli, credenu sempre à un miraculu. « U GFCA hè bè vistu da i respunsevuli di u ghjocu à ballò francese, trà Nancy è Sochaux, unu di i dui hà da falà. » E duie squadre passanu in appellu u primu di lugliu…Ma frà tem^pu, u calendariu hè esciutu senza u Gazelec. Ci saria dinò un macciu « arranghjatu » trà Sochaux è Grenoble in fine di campiunatu ma l’inchiesta pigliaria mesi è mesi…Da seguità…

Partager.

Réagir en direct