U GFCA nantu à u ponte!

0

A squadra aiaccina hà ripigliatu stu luni in Mezzavia aspettendu l’appelli di Nancy (oghje), Sochaux (ghjovi) è l’ACA (a settimana chì venegfca-chateauroux-pierazzi-0393-570x350) per sapè s’ellu ghjocherà in N1 o in Lega 2. Ottu ghjucadori novi eranu prisente à mezu à sette di a staghjone scorsa è uni pochi di ghjovani per un gruppu dighjà impurtante…

Guasgi un mese hè passatu dapoi u famosu macciu di fronte à Le Mans. U tempu, per i dirigenti di u GFCA di girà a pagina per riparte nantu à d’altre base è forse, cù d’altri scopi. Cusì, era l’ora di a ripresa, eri in Mezavia. L’occasione di lampà un ochju nantu à u gruppu di questu annu. Solu sette ghjucadori sò sempre in rossu è turchinu (Pierazzi, Guidi, Campanini, Anziani, Fogacci, Ndao, Ndoye) è ottu anu zifratu, mischiati trà a sperienza (dui cunnisciuti Rodè Filippi chì volta in casa soia è Antò Lippini chì ritrova Aiacciu è u so cumpagnu di l’ACA, JB Pierazzi è Steeve Beusnard, 27 anni, Béziers) è a ghjuventù: Kyei (19 anni, Reims B), Maxime Pélican (21 anni, Nizza B), Grégoire Pineau (20 anni, Lens B)Ahmed Ghettaf (19 anni, Saint-Priest) è Ibrahim Usman (20 anni). In tutti eranu vintisei à ripiglià. U GFCA cerca, avà, trè altri ghjucadori per cumpone, di manera guasgi definitiva, u so gruppu: un purtieru, un mezu terrenu è un attaccante. U Gaz appronterà a so stagione cù una preparazione è quattru macci amichevuli di fronte à Bastelicaccia (NIII u sei), Bastia-Borgu (N1 u dodeci), Furiani (NIII u sedeci) è u Sporting (u dicianove). U campiunatu ripiglierà ellu u dui d’aostu. Frà tempu, u GFCA pudaria ritruvà a L2 s’è Nancy (oghje), Sochaux (ghjovi) o l’ACA (a settimana chì vene), chì passanu in appellu, sò cunfermati in N1 da a DNCG…

Partager.

Réagir en direct