Derby : U GFCA inforca l’ACA (2-1)

0

.Ind’una partita ch’ùn era micca tremenda, à u nivellu di u ghjocu, lu GFCA ch’ùn era purtantu favuritu à u principiu hà pigliatu a suprana nantu à l’ACA, più debule per, in fine, fermà una vittoria logica.

aca-gfca-039

Issa partita trà l’ACA è u GFCA era monda aspettata da i sustenitori vennari. Nanzu, macagne eranu pertute à pacchetti ch’ella sia in cità o nantu à e rete suciale. Per ciò chì tocca à l’aspettu spurtivu, l’ACA era appena megliu quantunque. Eppuru, à a fine, ci hè pocu affare da dì nantu à a vittoria di i rossi è turchini. Presenti d’un capu à l’altru di u macciu ind’è e sfide, fisicamente, in mezu terrenu o in a custruzzione di u ghjocu, i ghjucadori d’Hervé Della Maggiore ripartenu di manera logica cù i trè punti in a stacca. Issu macciu s’hè ghjucatu in duie parte ch’ùn sò micca listesse. Un primu tempu à parità ma s’hè vistu quantunque ch’à u nivellu di l’ingaghjamentu, u GFCA era megliu. Sempre in ritardu, l’ACA hè statu custrettu, à spessu, di corre daretu à u ballò. Ma Ghislain Gimbert è a « Zampa » di Yohan Cavalli avianu permessu à u bianchi è rossi di marcà i primi, à menu d’una decina di minute di a fine di u primu tempu. Si pensava, tandu, masimu chè u Gaz dubbiteghja dapoi qualchì tempu quand’ellu incascia una marca avversa, chè l’ACA avia fattu u più difficiule. Ma, in questa partita, u Gaz hè statu prisente. Dendu, d’altronde, una bella risposta à una seconda di a fine di u primu tempu. Cù listessa azzione chè u so rivale. Un calciu d’angulu (Roye) è una capata (Ba). Serà statu, forse, u fattu maiò di a partita. Chè in secondu tempu, u Gaz ch’ùn avia micca persu u so stintu, hà ,à pocu à pocu, pigliatu a suprana nantu à una squadra di l’ACA, ch’ùn fù mai capace di fà cresce u so nivellu di ghjocu. In fine, hè di manera logica, chè Guidi hà marcatu pochi tempi dopu à l’ora di ghjocu.I bianchi è rossi anu avutu qualchì occasione in fine di partita ma a squadra chì vulia u più issa vittoria l’hà pigliata…Un macciu da cunfermà vennari di fronte à Troyes. Un’altra seria da principià per l’ACA…

Partager.

Réagir en direct