Volley-Ball : U GFCA battutu in Chaumont (3-0)

0

L’Aiaccini anu persu issa dumenica in Chaumont per u contu di a prima parte di a meza finale di u campiunatu di Francia. Li tocca, avà, à retablisce à parità, ghjovi chì vene, à u Palatinu, nanzu, in casu di vittoria, di pudè ghjucà u so bigliettu in finale, u lindumane, sempre in Aiacciu.

Ùn ci hè micca statu miraculu eri in Chaumont, squadra 26587690-27268674maiò di u campiunatu di Francia in à prima meza finale. À issu nivellu quì, u macciu si ghjoca à pocu, picculi detagli chì facenu a diferenza. Eppuru, u GFCA hè entrutu bè in issa partita, cù una certa avanza in primu tempu ma in faccia, a squadra di Chaumont hà mustratu ch’ùn era micca andata sin’à i quarti di finale di a Lega di i Campioni per nulla. Più forte in tutti i duminii, ch’ella sia à u serviziu, a recezzione o à u muru, hà pigliatu a suprana (25-22). In a seconda parte, hà mantenutu u listessu ritimu per ghjunghje à a pausa cù dighjà più di a metà di a vittoria in a stacca (25-18). Ancu s’ell’ùn hà pussutu esse regulare tutta a partita, u GFCA s’hè battutu in a terza parte di u macciu. Averà avutu, dinò, dui ballò di 2-1 (22-24) ma Chaumont era troppu forte. L’Aiaccini perdenu l’arme in manu ma devenu alzà u so nivellu ghjovi s’elli volenu retablisce a parità. In casu di vittoria, ghjocheranu un terzu macciu u lindumane sempre in casa soia. Dopu àvè persu quattru volte à issu nivellu di a cumpetizione, u Gaz sperà d’andà in finale. Ma li toccherà à esse guasgi perfettu di fronte à una squadra chì t’hà pochi debulezze.

Partager.

Réagir en direct