Football : U bellu veranu di u GFCA

0

Di manera logica, u GFCA hà vintu a seconda parte di u derby vennari scorsu di fronte à l’ACA. Un macciu ammaestratu abbastanza bè ma, aldilà d’issa vittoria, una seria chì cuntinueghja è sopratuttu cuntinuti intaressanti dapoi qualchì tempu.derby-aca-gfca46

D’apressu à quelli ch’eranu prisenti in Mezavia vennari scorsu, issu derby trà u GFCA è l’ACA fù unu di i più intaressanti di iss’ultimi anni. Una vittoria bè custruita, occasione, ambianza in e tribune, pocu à dì, in fattu, tuttu era addunitu per a festa di u ghjocu à ballò aiaccinu. Di colpu, u Gaz passa davanti à u so rivale à a classifica (tredecesimu cù 37 puntu) è face un passu maiò ver di u so mantenimentu. Ciò ch’ùn hè, per disgrazia, u casu di u so avversariu, quattordecesimu cù 35 punti è solu trè d’avanza nantu à Nancy, diciottesimu di a classifica. L’ACA custrettu, dunque, di reasgisce issu vennari di fronte à Grenoble mentre chè u GFCA si spiazzerà in Troyes per cuntinuà u so percorsu. Un percorsu avà di quattru macci senza perde, trè senza vede tremà a so cabbia è duie vittorie di fila in casa soia masimu di fronte à squadre impurtante (Lens è ACA). In fine, u GFCA, chì ritrova un soffiu novu di veranu, averà vintu di più ch’un derby. Ancu s’ellu hà pussutu retablisce a parità (quattru à quattru) à issu nivellu quì

Partager.

Réagir en direct