Spassighjata in Aiacciu di dicembre!

0

U vintidui di dicembre, a cità d’Aiacciu urganizeghja a quarta edizione di u so « city trail ». Una corsa, in u centru di a cità chì, in puchissimi tempi hè  diventata famosa è monda aspettata. E scrizzionegal-3510834 principianu u trè di nuvembre. È pare chì ci sò dighjà dumande à pacchettu…

Fà una corsa in cit nanzu à e feste di Natale, un’idea chì si sviluppa monda dapoi qualchì annu in parechji lochi. In Aiacciu, a municipalità, chì travaglia assai nantu à u sviluppu spurtivu (futvolei, buccie, tennis…) hà messu in piazza in u 2016, a prima edizione di a so pista. A prima annata, i participanti, vestuti à l’usu di Ziu Natale o  di mascare, eranu ottucentu è cinquanta. È cù un sucessu maiò, ne semu ghjunti à guasgi u doppiu l’annu scorsu. L’idea hè abbastanza simplice : s’agisce d’una corsa di dece chilometri, un speziu d’annellu chì parte, di regula, da a Piazza di u Diamante è ci volta dopu à un percorsu à mezu  à qualchì quartieru. Una corsa induve tutti, spurtivi amatori o cunfermati ponu esse mischiati. Circundati da, sustenitori  chì danu tarrucchendu di a so voce cù un ambiu particulare postu ch’è noi semu vicinu à i tempi nataleschi. Uni pochi d’associ si sò aduniti à a municipalità. È ghjè u serviziu di i sporti (Marcu Leca è Ghjuvan Santu Moretti) chì hè incaricatu di u percorsu. Cù a so lampera à mezu à u fronte (per ùn cascà chè face notte à ottu ore di sera), i participanti s’anu da lampà in parechji quartieri di a cità. Àveremu l’occasione di vultà nantu à issa manifestazione (percorsu precisu, numaru di participanti). Per avà, s’aspettanu e scrizzione à partesi da u trè di nuvembre. È pare chè ci hè dighjà u mondu chì pichja à a porta…

Partager.

Réagir en direct