Judo : Priscilla Gneto in Bronzu in Abù Dabì

0

gnetoL’atleta isulana, membre di a squadra di Francia, hà ottenutu una bella medaglia di bronzu à l’occasione di a ghjustra d’Abù Dabì issa dumenicata. Una cumpetizione chì li permette di principià bè a stagione è di marcà, dighjà, punti lampendu un ochju ver di   i ghjochi olimpichi…

Priscilla Gneto era monda aspettata issa dumenicata in Abù Dabì à l’occasione d’una ghjustra chì marcava u principiu di a stagione. Scartata dapoi qualchì tempu, per via d’una ferita maiò, l’atleta isulana avia ripigliatu cù i « Turchini » u mese scorsu in Baccù (medaglia d’argente cù e « Turchine » in cullettivu). Ma u so scopu hè, d’una manera individuale, di mantene u ritimu ch’elli s’anu da appruntà tuttu l’annu chì vene, e qualificazione per i ghjochi olimpichi in Tocchiò (2020). L’appuntamentu d’Abù Dabì, a zitella di Purtivechju ùn l’hà micca mancatu.

Duie vittorie per principià, di fronte à a Germana Theresa Stoll è a Serba Jovana Rogic, nanzu di perde dopu à una bella partita, di fronte à Nora Gjakova (Cossovò). Richjappata, hà vintu di fronte à a chinese Di Zhang. Pigliendu si, à tempu, un bigliettu per a finale di a terza piazza. Quì, Priscilla Gneto vince di fronte à un’altra atleta di a squadra di Francia, Automme Pavia (ch’avia vintu una medaglia in Londres) è si ne volta cù una bella medaglia di Bronzu. A sola medaglia pigliata da a squadra di Francia.

Partager.

Réagir en direct