Matteu Tramoni cù a squadra di Francia (menu di 19 anni)

0

U mezuterrenu aiaccinu participeghja in Malta cù a squadra di Francia (menu di 19 anni) à trè partite, sin’à u vinti di nuvembre. Contanu per e prime qualificazione di a cuppa d’Auropa di u 2019 chì si ghjocherà in Armenia… 20008548-23666821

Lionel Rouxel, addestradore di a squadra di Francia (menu di 19 anni) hà cunvucatu à Matteu Tramoni per participà à un primu giru per e qualificazione di l’Auru di u 2019. L’Aiaccinu hè pertutu à l’adunita prevista l’ondeci di nuvembre scorsu cù a squadra di Francia. Trè partite anu da esse ghjucate contru à Malte (chì ghjoca in casa soia), a Litunia è a Belgica. A prima hè stata vinta (1-0) ancu s’è Matteu ùn hà ghjucatu. E duie altre sò prugramate issu sabbatu (Lituania) è marti (Belgica). In tuttu, cinquantaduie squadre participeghjanu à issu primu giru. Sò tredeci gruppi di quattru squadre  induve, solu i dui primi puderanu ghjucà u secondu giru da u 18 à u 26 di marzu (imbusca u sei di dicembre in Suizzera). Tandu, fermeranu vintottu squadre spertute in sette gruppi di quattru squadre. È, sta volta, i sette primi averanu u so bigliettu per ghjucà a fasa finale da u 14 à u 27 di lugliu in Armenia. Speremu un bellu percorsu per l’Aiaccinu…

 

Partager.

Réagir en direct