Letizia Feracci campione di Francia, universitaria

0

L’atleta aiaccina hà vintu, issa dumenicata, i campiunati di Francia universitarii in Parrighji. Secondu ind’è i masci, Gabriele Miniconi si piglia, per a so prima participazione à issu nivellu, a medaglia d’argente…31939244-29930845

Dighjà terza à i campiunati di u mondu universitarii di lugliu scorsu à u Giappone (Kobe), Letizia Feracci, surelluccia di Alexandra era monda aspettata issa dumenicata in Parrighji, à l’occasione di i campiunati di Francia. Senza tremulà, l’atleta di l’ACA Arti Marziali hà vintu, di manera logica, a cumpetizione. Quattru macci per andà sin’à a finale (trè vittorie 5 à 0 è una 4 à unu) è un’ultima partita 4 à 1 di fronte à Léa Salomon (Università di Marseglia). Una bona per a zitella aiaccina chì piglia cunfidenza è marca, d’altronde, punti in a squadra di Francia per e prussime ghjustre. Accantu à ella, è per a so prima participazione à issu nivellu, Gabriele Miniconi, studiente in matematiche superiore à u Liceu Letizia d’Aiacciu, volta cù a medaglia d’argente dopu avè persu in finale (4 à 1) di fronte à Sorey Morassi (Tours), membre di a squadra di Francia. Peccatu per u ghjovanu chì, sin’à a finale, avia sempre vintu 5 à 0. Una bona quantunque per i dui atleti chì ponu testimunià di a salute di a disciplina in Corsica.

Partager.

Réagir en direct