Leon Luciani, presidente di l’ACA suspesu dui anni!

0

e7da0Addunita issu mercuri in Parrighji, a cummissione di disciplina di a LFP hà decisu di suspende à Léon Luciani, dui anni. Una decisione chì face seguita à u macciu ACA-Nancy di u quattru di dicembre scorsu in Timizolu.

A LFP cuntinueghja à fà falà e cutrate per ciò chì tocca à e squadre corse è, torna una volta à l’ACA. Issu mercuri, sò falate dinò piulate nantu à a squadra aiaccina. U so presidente, Leon Luciani, hè statu suspesu dui anni di tutte funzione (bancu, spugliatoghji, cuntattu cù l’arbitri…). Sta decisione intervene dopu à u macciu ACA-Nancy di u 4 di dicembre scorsu (1-1). Secondu à a LFP, ci saria statu « viulenze cù l’arbitri ». Una decisione chì, quantunque, pesa assai nantu à e spalle di a squadra « biancà è rossa », masimu cù tuttu ciò chì hè accadutu sti mesi quì. Raminteremu quì, tutti i cuntrolli, suspensione, decisione cuntrarie, mediatisazione maiò dopu à ACA-Le Havre, ecc…ch’impediscenu l’ACA di travaglià in cundizione bone. « Ùn semu micca pigliati in contu cum’è l’altri, avia cumentatu u presidente aiaccinu, pochi ghjorni fà, è mancu cu’mè l’altre squadre corse… » A suspensione di Léon Luciani principierà u cinque di ferraghju à mezanotte. Frà tempu, puderà esse prisente issu vennari in Lorient.

Partager.

Réagir en direct