Judo: Priscilla Gneto ghjucherà a Lega di i Campioni in u 2019!

0

L’ atleta isulana participava, issa dumenicata in Bucareste, à l’Auropa Lega. Una cumpetizione cullettiva (frà squadre) induve eranu addunite ottu squadre feminile è dece maschile. Cù a so squadra di l’ES Blanc Mesnil, Priscilla è a so surella Astride anu finitu à a seconda piazza. Vale à dì ch’anu vintu a so piazza per ghjucà in Lega di i Campioni l’annu chì vene…

gnetoL’Auropa Lega addunisce tutti l’anni e squadre campione di u so paese. Tandu, è per a seconda volta dopu à u  2016, l’ES Blanc Mesnil, di e surelle Gneto, Priscilla è Astride, eranu prisente issa dumenicata in Bucareste (Capitale di a Rumania). In piazza, dece squadre per i masci, ottu per e femine. Frà elle, quattru squadre francese qualificate. L’ESBM si piglia, in quartu di finale, e Serbe di Belgrade (5-0), nanzu di cuntinuà di fronte à a squadra lucale di Bucareste (4-1). È di perde in finale di fronte à un’altra squadra francese, Champigny (2-3). Cù duie atlete ingaghjate à ogni categuria, si pò dì chè issa cumpetizione hè stata una riesciuta. Masimu per Priscilla è Astride ch’anu purtatu, traminduie, a so petra. In fine, issa seconda piazza permette à e duie surelle, di participà, l’annu chì vene, (di dicembre) cù a so squadra, à a famosa Lega di i Campione. Ùn s’agisce micca di ghjocu à ballò ma di Judo è d’una ghjustra nantu à trè ghjorni. L’occasione, per Priscilla è Astride (forse), di marcà punti per avvicinà si di i ghjochi ulimpichi d’aostu u 2019…

Partager.

Réagir en direct