Hervé Della Maggiore addestradore di u GFCA

0

d22cbL’anzianu addestradore di Bourg-en-Bresse hè statu numatu à u capu di u Gazelec issu luni in fine di matinata. À quaranta sei anni, quellu chì fù u capimachja di a squadra bressana cullata da u CFA2 à a Lega 2 in sei anni, ghjunghje cù Freddy Morel, u so aghjuntu. L’addestradore novu di u Gazelec, chì hà firmatu dui anni, serà prisentatu à a stampa issu marti…

I sustenidori di u Gazelec ùn anu micca aspettatu monda per cunnosce u nome di quellu chì piglia a seguita d’Albert Cartier, « ringraziatu » dopu à una stagione è trè mesi, a settimana scorsa. Parechji nomi si sintianu quì è cullandi, in a cità d’Aiacciu. In fine, a nutizia hè stata ufficializata, issu marti nantu à u situ di u GFCA. Hervé Della Maggiore, anzianu addestradore di Bourg-en-Bresse, piglia a seguita di Cartier. Hè u quartu addestradore, dapoi u 2015 (dopu à Thierry Laurey, Jean-Luc Vannucchi è Albert Cartier) à gestisce a squadra aiaccina. Hervé Della Maggiore hà purtatu i culori in tantu chè ghjucadore, di Saint-Priest (CFA) nanzu, à a fine di a so carriera, di diventà addestradore. Da u 2008 à u 2015, face cullà Bourg-en-Bresse da u CFA2 à a Lega 2. A squadra ci stà trè anni nanzu di vultà, di ghjugnu scorsu, in N1. Hervé Della Maggiore hà cunnisciutu appena di gloria in 16me di finale di a cuppa di Francia di u 2002 di fronte à Auxerre è sopratuttu in u 2016 (vittoria in Rennes 3-1). Hè statu deci anni à u capu di Bourg-en-Bresse. L’addestradore novu di u GFCA, chì hà firmatu dui anni, hè accumpagnatu da Freddy Morel, u so aghjuntu. Serà prisentatu issu marti à a stampa. Nanzu di principià u so percorsu nantu à u bancu rossu è turchinu luni chì vene in Lens…

Partager.

Réagir en direct