GFCA Volley-Ball : sempre più altu!

0

A vittoria di u Gazelec sabbatu scorsu di fronte à Nantes Rézé (3-1), ci hà datu, in u so scenariu, a cunferma chè a squadra di Fred Ferrandez hè capace di tuttu à l’occasione di i play-off. Secondi, per avà, di a fasa regulare, è dopu à nove sucessi di fila, l’Aiaccini anu da forse compie a prima parte di u campiunatu à a seconda piazza. A sturietta cuntinueghja à ingrandà…

Ùn si sà, per avà, ciò chì hà da accade per u GFCA à l’occasione di a stagione 2018-2019. Ma qualcosa hè sicuru: Issa squadra quì hè capace di vene à fà dubbità ancu à Tours, un campione ch’ùn si pò tuccà. Sabbatu scorsu, di fronte à un28247211-27983049 avversariu abbastanza difficiule à ghjucà è masimu chì l’avia battutu trè volte di fila 3-0, i Rossi è Turchini anu mustratu ch’elli t’avianu a pussibilità d’andà ancu più luntanu ch’elli credianu. Unu di issi macci chì vi mettenu un perfumu particulare in bocca. Quellu di e squadre maiò capace di scambià un scenariu cuntrariu. Una vittoria stretta, certu (25-23 seconda parte, 28-26 per a quarta) dopu à un principiu abbastanza pisiu è duru per i narbi, ma a cunferma di e qualità tecniche è mentale d’una squadra in pussibilità di gestisce megliu i punti maiò in fine di parte. Cusì, è dapoi ottu macci, issa furturezza quì, ùn ci mostra alcunu difettu. Tandu, si pò, torna una volta, sunnià. Ne saperemu di più sabbatu di fronte à Chaumont per l’ultimu macciu di u GFCA (ùn ghjucherà per l’ultima ghjurnata). S’ellu tene a so seconda piazza, a squadra aiaccina pudaria francassi di Chaumont è sopratuttu Tours in mezu finale. È sunnià, per a prima volta di a so storia, d’una finale…è una piazza in Champion’s League…

Partager.

Réagir en direct