GFCA: Béziers mette a pressione!

0

Aaron-Boupendza1Dicianovesimu di a classifica di Lega dui, cù un solu puntu di ritardu nantu à u Gazelec, Béziers dumanda à a LFP di caccià un puntu à i rossi è turchini dopu à « l’affare « Boupendza. Cusì a squadra spera, à l’ultimu mumentu, ghjucà contru à Le Mans, marti prussimu. U Gazelec, ellu, appronta sta partita, serenu…

Pensavamu « l’affare » Boupendza, un ghjucadore di u GFCA ch’ùn era micca qualificatu per ghjucà contru à u PFC à l’occasione di a prima ghjurnata di L2 di lugli scorsu, intarrata è bella intarrata. Masimu chè u campiunatu s’hè compiu a settimana scorsa cù a relegazione di Béziers è, peccatu, u GFCA custrettu di ghjucà u so avvene nantu à dui macci di fronte à Le Mans, terzu di Naziunale Una. Iè ma, vidimu affaccà, dapoi dui ghjorni u famosu « affare » Boupendza, suspesu a prima ghjurnata cù u GFCA (1-1 di fronte à u PFC). Un filmettu chì era passatu per a LPF ch’avia datu, primu, a vittoria à i Parrghjini caccendu, dunque un puntu à l’Aiaccini. In appellu, quelli avianu ripigliatu u puntu ma u CNOS, in cunciliazione, avia dumandatu di dà ragiò à u PFC. Tandu, a LFP l’avia datu, torna una volta, i trè punti. Eppo, Pierre Feracci, presidente di u PFC avia, ellu, ricusatu issi trè punti è l’affara paria compia. A parità (1-1) è un puntu per omu. Iè ma dopu à a so vittoria di fronte à Nancy vennari scorsu (3-0) compie u campiunatu à a dicianovesima piazza (38 punti, menu 17), daretu à u Gaz (39, -24). Cù u puntu cacciatu, a squadra aiaccina ghjucaria in Naziunale Una è ghjè Béziers chì scuntraria à Le Mans marti prussimu. Tandu, i dirigenti an decidu di chjamà a LPF dumandenduli, per via di e so regule interne, d’ùn tene contu di u « ghjestu » di Pierre Feracci è di mette in applicazione e legge spurtive, vale à dì tene contu di a so ultima decizione, quella di dà a vittoria à u PFC. Tandu, u GFCA saria in N1 è Béziers ghjucaria contru à Le Mans marti. D’altronde, i ghjucadori di l’Hérault, anu ripigliatu, subbitu, l’intrenamentu. Una manera di mette a pressione nantu à u GFCA chì, da u so cantu, appronta, serenu, u o so spiazzamentu in a Sarthe, marti…

Partager.

Réagir en direct