GFCA : Albert Cartier « ringraziatu »

0

58f4dL’addestradore di u Gazelec hè statu ringraziatu da i dirigenti, marti scorsu in fine di matinata. Aspettendu l’arrivu d’un rimpiazzante, ghjè Julien François, l’aghjuntu, chì piglia in carica, a squadra prufessiunale…

Un puntu nantu à dodeci in quattru macci, duie scunfitte di fila in Mezavia (Nancy è Orléans), un settore uffensivu in panna è una difesa in difficultà (i ghjucadori di u GFCA ùn anu marcatu chè duie volte in quattru macci, e so rete anu trematu ottu volte à listessu tempu), serà forse issu bilanciu negativu chì hà custrettu i dirigenti « rossi è turchini » à decide a spiccanza cù Albert Cartier marti scorsu in fine di matinata. À dilla franca, a squadra aiaccina, ùn era tantu, fora d’issu percorsu debule, in difficultà. U Gaz hè 12mu di a classifica di Lega 2 cù 12 punti. Malgratu què, a squadra dirigente hà fattu  a scelta di u cambiamentu. Ghjuntu di ghjugnu di  u 2016, à a seguita di Jean-Luc Vannucchi, Albert Cartier avia pigliatu una squadra sempre in difficultà dapoi a falata di Lega Una in u 2015. Cartier era quì per dà un soffiu novu à i so ghjucadori. Ma a stagione scorsa fù, torna una volta, difficiule. Una stagione compia à a sedicesima piazza per un gruppu ch’ùn hà pussutu tene u ritimu da a Lega 2. Andava abbastanza megliu di lugliu. Un gruppu novu, ghjucadori corsi, un stintu è qualità chì sò state viste nantu à i terreni. Una bella cinquesima piazza à a fine d’aostu, aprendu un altru avvene. Ma a seguita, di sittembre, fù monda difficiule per i rossi è turchini. Aspettendu un addestradore novu (forse nanzu à u macciu in Lens u 22 d’ottobre), Julien François, aghjuntu di Cartier, piglia u gruppu prufessiunale…

Partager.

Réagir en direct