GB Pierazzi: « Avemu ritruvatu i nostri valori « 

0

Una vittoria ch’ùn s’aspettava più, un cuntinutu interessante, è sopratuttu u stintu « rossu è turchinu », quellu di tempi fà. Issu luni 18 di marzu, ghjornu di a Madonnuccia chì hà lampatu un ochju nantu à elli, l’Aiaccini anu ritruvatu i so valori è sintitu, quattru mesi dopu à Troyes, u 9 di nuvembre scorsu, u perfumu di a vittoria in casa soia, masimu di fronte à un candidatu à a Lega una. Trè punti chì ghjunghjenu à tempu nanzu à issa piccula treva. L’occasione, per GB Pierazzi, u capitanu di u GFCA, di sprime u so parè nantu à issu macciu.20181126_25_3_1_0_0_obj18966026_1_xwh_642x490_xwh

GB, una vittoria ch’ùn s’aspettava più?

Facia, di sicuru, un pezzu ch’è noi aspettavamu issa vittoria in casa nostra. Pensu ch’avemu fattu un maccione ancu s’è tuttu ùn hè micca statu perfettu. Aviamu bisognu di issi trè punti. Ci face assai prò chè u mantenimentu ùn hè ancu fattu. Avanzemu quantunque. Avemu ritruvatu i nostri valori

Hè a vittoria d’un cullettivu?

A sapemu, masimu noi altri squadre corse, chè tuttu passa per què. Per una squadra cum’è a nostra, ci vole à cuntà nantu à iss’energia quì è valori di u nostru ghjocu à ballò. Lens era, forse, più forte chè noi ma avemu pussutu, ghjuchendu cù e nostre qualità, rivalizà. Ci vole dinò à ringrazià i sustenitori chì ci anu aiutatu assai.

Una vittoria chì rilancia u Gazelec?

Di sicuru! Avemu, avà, sei punti d’avanza di fronte à Sochaux è sette di fronte à Béziers. Speremu sempre chè un macciu cusì ne puderà sulcà d’altri fenduci avanzà lestru ver di u u nostru scopu.

Partager.

Réagir en direct