Fred Ferrandez : « Pigliemu i macci unu apressu à l’altru »

0

Quarta vittoria di fila per u Gazelec eri sera di fronte à Tourcoing. I « rossi è turchini » sò avà, è nanzu di riceve à Poitiers, issu vennari, à a cinquesima piazza di a classifica. L’occasione, per u so addestradore, Fred Ferrandez, di fà u puntu…28247211-27983049

Una vittoria cuncipita bè eri sera?

Sapiamu chè issa squadra di Tourcoing ci avia da pone prublemi. Era, cum’è noi in corsa à i Play Off. Ind’è noi, ci vulia à vince per assicurà guasgi a nostra piazza. Avemu avutu qualchì prublema à u principiu di ogni parte. Ma avemu sapiutu risponde à u nivellu di a difesa. Aviu dettu à i me ghjucadore, à 2-0 chè a terza parte saria difficiule à u principiu, ùn mi sò micca sblagliatu. Avemu suffertu è semu passati accantu. Ma l’impurtante hè d’avè pigliatu issi trè punti.

Quattru vittorie di fila, comu spiegate issu rinnovu di a vostra squadra dopu à un principiu d’annu cumplicatu?

Eru cunvintu chè à l’occasione di a seconda parte di u campiunatu, aviamu da piglià punti. A prima parte fù cumplicata, avemu avutu mumentu dubbitosi cù macci difficivuli in cuppa di Francia o in cuppa d’Auropa. A sapiu chè à partesi da ghjennaghju, seria più faciule masimu cù assai macci ind’è noi. Strada facendu, avemu pigliatu cunfidenza. U gruppu hà ritruvatu a so forza mentale. Avemu, di più, a pussibilità di fà girà cù un bancu abbastanza impurtante. Ci vulerebbe, avà, à principià megliu i nostri macci, chè noi ci mettimu à spessu in periculu maiò.

U scopu avà? A quarta piazza per i play off?

Ùn ci hè micca scopu precisu. Ci vole à piglià punti à ogni macciu. Ci mettimu troppu pressione nantu à e spalle è a campemu male. Ci vole à piglià i macci unu apressu à l’atru è feremu u contu à a fine.

Partager.

Réagir en direct