Taekwondo : F.M. Franceschi seconda di u campiunatu di Francia

0

Francesca Maria Franceschi, diciassetti anni, hà ottenutu a seconda piazza à u campiunatu di Francia (menu di vintunu anni) a dumenicata scorsa in Niort. Un bellu resultatu dopu à a seconda piazza l’annu passatu à u campiunatu di Francia (menu di diciassetti). È una zitella chì pudaria esse, da quì à pocu, à capifila di a disciplina…30028088-28820386

U centru Taekwondo di Bastia si spiazzava, per a prima volta a dumenicata scorsa, à i campiunati di Francia di a disciplina in a categuria di i menu di vintunu anni. In a so « valisgia », Francesca Maria Francesca, classificata à a seconda piazza l’annu scorsu in i menu di diciassetti anni. Di fattu, a zitella bastiaccia hà datu a cunferma di u so talente à un nivellu più altu. Cù, torna una volta, a seconda piazza. Una bona per l’atleta isulana, di sicuru, ma dinò per a so squadra è a disciplina. Masimu ch’ella hà cumbattutu contru à spurtivi più anziani. È battutu à Célia Hebbar, campione di Francia in u 2016. Maria Francesca perde, in finale, di fronte à l’Uccitana Fatima Souidi campione di Francia dapoi u 2015. Un bellu percorsu quantunque per una zitella chì serà prisente à u campiunatu di Francia (maiò) u dui di ferraghju. L’occasione, dinò, di fà si valè…

Partager.

Réagir en direct