Cuppa di Francia : Eternu Sporting !

0

Dopu à un macciu di quelli, sabbatu scorsu di fronte à Concarneau, i Bastiacci anu ottenutu u so bigliettu per e sedicesime di finale di a cuppa di Francia. Aspettemu, avà, u nome di o so avversariu. A storia cuntinueghja!

94cdfCi sò, in a vita d’un ghjucadore di ballò, macci chì solcanu una squadra. È issu SCB-Concarneau di sabbatu, ancu s’ellu era una N1 di fronte à una N3 ne face parte. Di quelli macci chì vi danu un savore particulare chì si sparghje sin’à a fine d’una stagione. Eppuru, stintu ne ci vulia per luttà di fronte à un scenariu cuntrariu. Una suprana vinti minute, duie occasione  è una squadra brittona ch’ù sapia più induve ella era. Eppo, un ballò persu, un contru è una prima realisazione per un avversariau realistu..È furtunatu. Un scenariu ch’ù hà micca scambiatu in secondu tempu. Frà tempu, u Sporting avia pussutu marcà! Ma issu ballò, torna una volta mal’ sgagiatu da Martin è Brittoni chi ripigliavanu l’avanza à u pannellu di marca senza dumandà u so restu (1-2). Fermava quantunque 40 minute à ghjucà ma un scenariu à l’usu hold-up s’appruntava. Di sicuru. Masimu chè u Sporting mancava occasione una apressu à l’altre. Ma i Dii i u ballò eranu Turchini è a logica hà permessu à i Bastiacci di marcà à a fine di u tempu in più. Un ultimi calciu d’angulu, una capata di Santelli è Poggi chì face schiattà Furiani. Era scrittu chè i Turchini ùn pudianu perde issa partita.  Senza tremà anu rispostu à i Brittoni à l’occasione d’una seria di Penalità ella dinò diifficiule per i narbi (1-1, 2-2, 3-3, 4-4). È s’è Santelli, pocu furtunatu sabbatu, hà mancatu l’ultimu, Martin hà datu, caccendu u seiesemu tiru brittonu, l’occasione à Bocognano di mandà a so squadra in sedecesime di finale…Magicu!

Partager.

Réagir en direct