WRC : Decimila girate per fà sunnià

0

U sessantaduiesimu Giru di Corsica principia dumane. Ultima ghjurnata dedicata à i detagli issu ghjovi in Castagnacci per i piloti ingaghjati cù una seanza di prove ufficiale. A ceremonia di partenza hè privista, ella, sta sera in Purtivechju…

Ci semu. Guasgi. Qualchì ora. U sessanta505192959_smallduiesimu Giru di Corsica-d’altronde monda aspettatu- principia issu ghjovi cù una seanza di prove ufficiale per i piloti ingaghjati chì seranu in Castagniccia. L’occasione, nantu à un percorsu di cinque chilometri, di pudè regulà l’ultimi detagli. Sébastien Ogier (Citroën C3), Ott Tänak (Toyota), Thierry Neuville (Hyundai), Sébastien Loeb (Hyundai), tutti sò pronti per un’edizione induve ci hà da vulè à circà quellu chì ghjunghjerà u primu in Calvi issa dumenica. Per avà, hè sempre Ott Tänak, l’Estunianu, in capu à a classifica di u campiunatu di u mondu. Ma si sà, dinò, chè Sébastien Ogier, secondu, hà vintu i dui ultimi rallì (monte Carlu è Messicu). Daretu, Loeb vole piglià a so rivincita, ellu ch’avia abandunatu l’annu scorsu. È Neuville, ellu, hè un « abituatu » è pudaria esse à l’appuntamentu. Hè listessu per ciò chì tocca à i piloti isulani. Seranu vintisetti in tuttu cù i trè primi di l’annu scorsu cum’è favuriti: Francescu Fraymouth, Petru Marcu Nanucci è Cédric Cardi. Ma daretu, ci n’hè d’altri (Liviu Capanacci, Eric Filippi, Lavighju Antonini…) Ultimi regulamenti per tutti, amatori è prufessiunali, issu ghjovi. Appuntamentu sta sera in Purtivechju per a ceremonia ufficiale di partenza. I primi cronometri sò aspettati dumane cù  speciale in Bavella…

Partager.

Réagir en direct