Cuppa di Francia : À chì pienghje, à chì soffra, à  chì ride

0

football_coupe_de_france_le_sc_bastia_cree_l_exploit_contre_le_mans_2_1_full_actuCù l’entrata di e squadre di Lega dui à u settesimu giru di a cuppa di Francia, a Corsica avia trè riprisententi : ACA, GFCA (L2) è SCB (N3). Ma solu i dui ultimu puderanu cuntinuà u so percorsu chè i bianchi è rossi anu persu in Alès, squadra di a N3). U GFCA hà suffertu in Auch (R1) ma, pocu impreme, è a surpresa maiò hè ghjunta di Furiani induve u Sporting hà battutu à Le Mans secondu di a N1 (2-1). Ottesimu giru l’ottu di dicembre…

Ancu s’è ella ùn hà più a so gloria di nanzu, a cuppa di Francia hè quantunque una cumpétizione chì permette à i più « chjuchi » di sperà riesce un bellu percorsu. A settimana scorsa, ghjera l’entrata di e squadre di Lega dui. È quì, sbubbata per l’ACA, qui sorte subbitu dopu à una scunfitta in Alès, piccula squadra di a N3. L’ACA chì ùn hè forse una squara di cuppa è chì registreghja quì a so terza scunfittta di fila (2-0). À u GFCA, l’altra squadra aiaccina, l’hè scappata bella in Auch (R1) ; Ci hè vulsutu aspettà a prulungazione per francà issu giru (1-0). Ma si sà, chè in cuppa, u più impurtante hè di passà pocu impreme u resultatu. In fine, u Sporting ci hà datu a cunferma chè ci hà vulè à cuntà nantu à ellu quest’annu. A so vittoria di fronte à Le Mans, squadra maiò di a Naziunale una (2-1), ci mostra forse cè iss’annata quì pò esse a soia !

Cusì, a Corsica t’averà dui riprisententi à u prussimu giru : U SCB è u GFCA. A squadra bastiaccia riceverà à  Saint-Omer (R1) in Furiani cù, forse, a pussibilità di francà issu passu quì. Per contu soiu, u Gazelec ghjucherà in Beaucaire (N3), attenti ! Dopu à issu ultimu giru, passeremu à e trentaduisime di finale cù l’entrutu di e squadre di Lega una. L’occasion, per e squadre corse, di rinvivisce u so passatu…

 

Partager.

Réagir en direct