Cinque di maghju: u bellu umagiu di l’AS Saint-Etienne!

0

asse_2288375551410140_5389566941478256640_nMentre chè cinque macci eranu prugramati dumenica scorsa, ghjornu anniversariu di u drama di Furiani, a squadra di Saint-Etienne, aldilà dighjà di i sustenitori, hà purtatu u so sustegnu à u Sporting, nanzu à u macciu in Monacu. Durante a perioda di scaldamentu, i ghjucadori purtavanu una maglietta cù a scrizzione: « 5 di maghju di u 1992, l’ASSE ùn si scurderà mai » scrittu in francese è in corsu…Meritava bè un umagiu à i Verdi…

Cunniscimu l’impegnu di parechje squadre prufessiunale è masimu di i sustenitori chì sventuleghjanu bandere in sustegnu à u Sporting è à u ghjocu à ballò corsu per sacralizà ogni cinque di maghju. Cunnisciamu dinò, l’impegnu maiò di i sustenitori di Saint-Etienne, sempre à fiancu à noi, quandu s’agisce di piglià pusizione un cinque di maghju. Nantu à issu puntu quì, a pusizione hè bella chjara: micca macciu u cinque di maghju. Ma a Lega, ella, hà mantenutu cinque partite dumenica scorsa. Tandu, i dirigenti di Saint-Etienne, chì ghjucava in Monacu, anu decisu di purtà, à a so manera, un sustegnu. Cusì, durante u scaldamentu, à trenta minute di u principiu di a partita, i ghjucadori purtavanu una maglietta induve era scrittu in francese è in corsu (senza sbagli!): cinque di maghju di u 1992, l’ASSE ùn si scurderà mai…Un sustegnu chì hà fattu u giru di e rete suciale è chì ci dà a cunferma di i rapporti trà u SCB è l’ASSE. I sustenitori verdi avianu dighjà marcatu u so puntu di vista à l’occasione di l’ultimu macciu cù a bandera: per u patrimoniu francese, a LFP si primureghja di a Catedrale Notre Dame, per a storia di u ghjocu à ballò francese, a LFP si n’inpippa di u nostru drama…

Partager.

Réagir en direct