Bastia-Borgu In Naziunale 1!

0

fc_bastia_borgo-4257671A vittoria di l’omi di Ghjuvan Andria Ottaviani in Vannes, sabbatu scorsu permette à a squadra bastiaccia di cullà, per a prima volta di a so piccula storia, in Naziunale Una. Secondu di a classifica à un puntu di a squadra duie di Nantes, ch’ùn pò accede, u FCBB hà travagliatu tuttu l’annu per ghjunghje, in fine, à ottene stu resultatu…

L’annu fattu! Mancava una vittoria in Vannes per stà à a seconda piazza di a classifica, sinonima d’accessione in Naziunale Una. Sabbatu, i ghjucadori di u FCBB, vintiquattru mesi dopu à a so creazione, ùn anu micca mancatu u so appuntamentu cù a storia. Daretu, Chartres, terzu à dui punti, ricivia à Vitré. Tandu, per l’omi d’Ottaviani, ci vulia à vince in Vannes per assicurà a so piazza. È, forse, per via d’una imbusca maiò, anu messu una cinquantena di  minute nanzu di piglià a suprana nantu à a squadra brittona. Ma Cédric Odzoumo, l’attaccante bastiacciu, hè passatu per quì. Quattru realisazione è tuttu u mondu pudia festighjà. U FCBB compie à a seconda piazza, un campiunatu induve hà ghjucatu in trè tempi. Un primu insu di a classifica cù ambizione logiche, un secondu induve hà cunnisciutu prublemi per mantene u ritimu, eppo una terza parte strasordinaria (sei vittorie du fila) chì li permette di cullà in Naziunale Una. I ghjucadori anu parte, avà, in vacanze. Per i dirigenti, chì volenu tene a maiò parte di u gruppu, ci vole à appruntà a prussima stagione.

Partager.

Réagir en direct