Alexandra Feracci vince a cuppa di Francia « Kata »

0

L’atleta aiaccina hà vintu senza surpresa a cuppa di Francia Kata sabbatu scorsu à l’INJ di Parighji. Dopu à un percorsu senza sbagli, batte in finale…a so surella Letitzia.Alexandra Feracci

Capifila di a disciplina in Corsica, Alexandra Feracci era monda aspetta à l’occasione di a cuppa di Francia Kata, sabbatu scorsu à l’INJ di Parighji. Ella ch’avia dighjà vintu a cumpetizione, era accumpagnata da a so surella Letizia, dighjà scuntrata (è vinta) dui anni fà. Di fattu, e duie surelle anu pocu suffertu per francà e cinque prime partite (5-0 ogni volta) per, di manera regulare, ritruvà si in finale. Quì, ghjè a sperienza d’Alexandra chì l’hà permessu di vince, torna una volta a cuppa (5-0). Ma u fattu maiò hè statu, à tempu, a classifica ottenuta da Alexandra chì, dopu à a so cinquesima piazza à i campiunati di u mondu, u mese scorsu in Ispagna (Madrid) colla à a seiesima piazza mundiale. Vale à dì chè, per avà, saria qualificata per i ghjochi ulimpichi di Tocchiò in u 2020. Ci hà da vulè, quantunque, dà una cunferma, l’annu chì chì vene per assicurà issa piazza. 

Partager.

Réagir en direct