Alexandra Feracci ambiziosa à i campiunati di u mondu !

0

 

A spurtiva isulana hà ottenutu, sta settimana, u so bigliettu per i campiunati di u mondu di a disciplina chì s’anu da ghjucà da u sei à l’ondeci di nuvembre in Ispagna (Madrid). L’occasione, forse, di francà un passu ver di i ghjochi olimpichi di u 2020 in Tocchiò

S’è noi fighjulemu u per20161023_25_3_1_0_0_obj13078030_1corsu d’Alexandra Feracci, pudemu vede subbitu chè iss’atleta quì t’ hà, dapoi anni è anni, un bilanciu tamantu ! À l’età di vinticinqu’anni, hè stata dighjà 6 volte campione di Francia è 13 volte vittoriosa di a cuppa di Francia. Què per u solu nivellu naziunale. Campione, d’altronde, d’Auropa (maiò è universitaria), di u mediterraneu è duie volte terza à i campiunati di u mondu, ghjè, avà à a novesima piazza mundiale. È una di e prime à u nivellu naziunale. À menu di dui anni di i prussimi ghjochi olimpichi, ci sò appuntamenti maiò per quella chì hè a capimachja di a disciplina in Corsica.

Membre, dapoi u 2008 di a squadra di Francia, vede quantunque un bellu destinu avvicinà si. Dapoi l’ufficialisazione di u karaté in tantu chè disciplina olimpica, a ghjuvanotta spera monda, participà à ciò chì hè un sognu per ogni spurtivu. Tandu, a so qualificazione, cù i « Turchini » à i campiunati di u mondu (in Madrid da u 6 à l’11 di nuvembre), li pudaria permette, secondu à i so risultati, di marcà punti in issu scopu quì. Risposta da quì à u mese…

Partager.

Réagir en direct