Aiacciu-Aiacciu: a fiertà di a Cità Imperiale

0

Aldilà di a rivalità trà u GFCA è l’ACA, u fattu d’avè duie squadre prufessiunale in Lega dui hè una fiertà chè nimu ùn pò sparte à u nivederby-aca-gfca46llu naziunale. Mancu Parrighji…

Issu vennari, u GFCA è l’ACA si ritrovanu per a seconda parte di u derby 2018-2019 sta volta in Mezavia. Serà a settesima edizione di macci chì portanu un certu stintu aiaccinu è chì, ci vole à dilla, facenu a nostra fiertà. Ùn ci hè ch’à vede, d’altronde, i media naziunali chì facenu riporti trà duie squadre ingaghjate à u nivellu prufessiunale in Lega dui è dui stadii à cinque minute unu da l’altru. Eppuru, issu derby l’aviamu dighjà in u 1999 quandu u GFCA avia compiu u campiunatu naziunale à a terza piazza è vintu nantu à u terrenu, u drittu di ghjucà in seconda divisione. Ma u « famosu » articulu » 131 di i regulamenti di a LFP n’avia à l’epica decisu altrimentu. Di colpu, ci hè vulsutu à aspettà quindeci anni di più per vede un derby prufessiunale trà Aiacciu è Aiacciu. Serà d’aostu u 2014 cù una vittoria di l’ACA in Mezavia (0-2). Ma i Rossi è Turchini piglieranu a so rivincita sei mesi dopu in Timizolu (3-0) qualchì mese nanzu à un’accessione storica in Lega una. Oghje, hè vera chè a vita cutidiana, a mundialisazione di u ghjocu à ballò o tanti macci tutti u ghjorni à a TV, ci facenu perde un pocu d’issa passione. Ferma  quantunque, ancu s’è no semu abbastanza alluntanati da quelli macci ACA-SCB o ancu GFCA-SCB in l’anni novanta, un qualcusellu. Pocu impreme, Aiacciu pò esse fiera d’avè duie squadre à issu nivellu quì. Un fattu spertutu da tutte e grande capitale d’Auropa. Fora di…Parrighji

Partager.

Réagir en direct