ACA è GFCA: l’ora di a verità

0

E duie squadre aiaccine ghjocanu issu vennari u so avvene in Lega duie, in casa soia. L’ACA riceve à Lens, mentre chì u Gazelec accoglie à Châteauroux in Mezavia. In casu di vittoria, seranu assicurati, tramindui, di riparte in L2 à a fine di lugliu. Un’occasaca-gfca-039ione ch’ùn ci vole micca à mancà…

À dui macci di a fine, l’ACA è u GFCA stanu, più chè mai, in periculu, dui punti davanti à Sochaux, diciottesimu chì, ancu di grazia, hà persu in casa soia, a settimana scorsa contru à u Red Star, ultimu di a classifica. Tandu, l’affare hè monda più faciule per e duie squadre aiaccine, maestre di u so destinu. Di fattu, sò cinque à sparte à tredicesima: Auxerre, Valenciennes, Nancu, ACA è GFCA, tutti anu trentanove punti. Issu vennari, è senza fighjulà l’altre squadre, una vittoria di fronte à Lens (per l’ACA) è Châteauroux (u GFCA), li permetteria d’assicurà (guasgi) a so piazza per l’annu chì vene. Dopu à a so vittoria di fronte à Orléans, l’ACA pò zifrà un altru annu in Lega duie ma attenti chè a squadra di Lens, hè sempre in lotta per a quarta piazza (57 punti). Da u so cantu, u prublema pare più faciule per u GFCA di fronte à Châteauroux, ch’ùn ghjoca più nulla (44 punti). E duie squadre anu u so destinu in manu. Ma s’elle ùn vincenu micca, ghjocheranu, tandu, u so avvene  vennari prussimu è fora di casa (in Trouyes è u Paris FC chì sò elli, sempre in corsa per cullà in Lega una. Tandu, ACA è Gazelec devenu prufità d’issu ultimu maccu in casa per valutà u so bigliettu….

Partager.

Réagir en direct