8u « Open » d’Aiacciu: cunferma d’una ghjustra maiò

0

L’otteisima edizione di l’Open d’Aiacciu si ghjoca da l’ottu à u quattordeci di lugliu nantu i terreni di u Tennis Club di MezaOpenvia chì urganizeghja a manifestazione. Trentadui ghjucadori ghjunti da sette paesi sò aspettati per una ghjustra chì face, à pocu à pocu, a so strada…

L’open d’Aiacciu cummencia à esse cunnisciutu in u mondu di a disciplina. E strutture, cù terreni « green set », un spaziu rapidu d’ultima generazione, l’urganizazione, e dutazione è di sicuru i participanti (classificati à partesi da  a duicentisima piazza à l’ATP), l’anu permessu di fà  a so strada per esse, oghje, una ghjustra maiò nantu à stu spaziu, masimu ch’ella annuncia a stagione prufessiunale di a disciplina nantu stu spaziu quì. A fasa di e qualificazione hè stata, questu annu accurtata (un ghjorni solamente) per sbuccà, subbitu nantu à a fasa finale. A ghjustra si ghjucherà in singulare à doppiu. Cusì, trentadui ghjucadori ghjunti da sette paesi (Brasile, USA, Francia, Argentina, Sguizzera, Russia, Belgica). Per ciò chì tocca à u cuntinutu, averemu à u Francese d’origine taliana, Albano Olivetti u gigante (2,03 metri) cù u so serivziu à 250 ch à l’ora, un abituatu di a cumpeitizione. Tutti l’ingredienti sò aduniti per una manifestazione monda aspetta. Primi scambii issu luni…

Partager.

Réagir en direct